Tula ko...dugtungan mo!

[jaguar05]

(Dugtungan ninyo ang huling taludtod...)  


Susubukan kung tutula
Kahit na hindi mahaba
Sana'y pagdamutan
Itong munting kahilingan
Kayo'y magbahagi ng mga karanasan
sa buhay, pag-ibig at sari-saring kwentuhan

Sa kauna-unahan ako'y magsasaysay
Kay Chris ako'y nagbibigay pugay
Sa bagong babasahin na kanyang sinimulan
Nagbibigay sa atin ng aliw at kasiyahan
Kaya Ka-pgg tayo na't magsama sama
Ilabas ang saloobin at ang inyong dinarama...

[joshgroban]

saludo at hanga  ako sayo kaibigan
naisip mong tulang ito ay di basta basta lamang
sana lang ay makayanan ng mga susunod na nilalang ang henyong pumasok
sa utak mo...isang jaguar kung bansagan....

[jaguar05]

saludo at hanga  ako sayo kaibigan
naisip mong tulang ito ay di basta basta lamang
sana lang ay makayanan ng mga susunod na nilalang ang henyong pumasok
sa utak mo...isang jaguar kung bansagan....

Kaibigan, para mas may challenge, yung last verse or taludtud, yun ang dapat dugtungan...para may brain storming...hahahha. 

[jaguar05]

Ilabas ang saloobin at ang inyong dinarama...
Sa araw na ito ako'y masaya
Mga iba't-bang tao na di ko kilala
Nagagalak ang puso kahit di sila nakikita....

[joshgroban]

saludo at hanga  ako sayo kaibigan
naisip mong tulang ito ay di basta basta lamang
sana lang ay makayanan ng mga susunod na nilalang ang henyong pumasok
sa utak mo...isang jaguar kung bansagan....

Kaibigan, para mas may challenge, yung last verse or taludtud, yun ang dapat dugtungan...para may brain storming...hahahha. 
kala ko exhortation yun hehe sorry... sige

[joshgroban]

nagagalak ang puso kahit di sila nakikita
kahit tila sa imahinasyon ko lamang sila kasama
mga kaibigang maituturing
AT HABANG BUHAY NA AALALAHANIN

[jaguar05]

AT HABANG BUHAY NA AALALAHANIN
ang pag-ibig ko sa'yo di lilimutin
magpahanggang wakas ikaw lang ang iibigin
Tamis ng pagmamahalan, pagsuyo't pagtingin.. 

[judE_Law]

Tamis ng pagmamahalan, pagsuyo't pagtingin..
natapos ng ganun-ganun na lang, na hindi napapansin..
aanhin pa ang rosas sa hardin, kung wala namang pagbibigyan matapos pitasin?
tumalon na lamang sa balong malalim, ang sarili ay lunurin..

[jaguar05]

tumalon na lamang sa balong malalim, ang sarili ay lunurin
Baka sakaling mawala itong sakit ng damdamin
Nang ang pagsinta sa'yoy  maparam na
Pilit na kikitlin hanggang sa tuluyang mawala


Ayoko ko nang balikan na sa ati'y nagdaan
Hayaan na lamang kung tayo nga ba'y magkakabalikan?
Ngunit kung tadhana man ang siyang sa ati'y maglalapit
Yayakapin ka't sa puso ko'y di na mawawaglit...

[judE_Law]

yayakapin ka't sa puso ko'y di mawawaglit..
tamis ng aking pagmamahal sa iyo'y ipadadama ng paulit-ulit.
araw at gabi'y pangalan mo ang isasambit.

kung sakaling pagmamahal mo sa aki'y naglaho na..
pangakong pag-ibig ko sayo'y 'di magbabago sinta.
harangan man ng taga, o sipatin ng pana...

[jaguar05]

harangan man ng taga, o sipatin ng pana
Ako baga'y maglalaho ng parang bula?
Hinding-hindi giliw ko ako'y matatakot
Pag-ibig kung tunay di kailanma'y mag-iimbot


Ngunit kung sakaling ikaw ay lalayo
At ang pagmamahal mo sa akin ay wala ng pagsuyo
Masakit man sa akin na ito ay tanggapin
Kung siyang ibig mo, Kita'y aking palalayain....

[noyskie]

Kung siyang ibig mo, Kita'y aking palalayain...
Pagka't kaligayahan mo ang aking mithi.
Iniibig kang tunay, ako ay dinggin!
Ngiti sana'y masilayan sa huling sandali.

habang ang liwanag ay unti-unting dumidilim;
at simoy sa paligid ay lumalamig.
Malugod na dumaraan sa aking takip silim;
habang sinasambit, "salamat pag-ibig".

[judE_Law]

habang sinasambit "salamat pag-ibig"...
aking mga mata'y di napigilang lumuha..
isang hamak na tulad ko ay minahal mo ng buo..
pangako'y pahahalagahan ang pag-ibig na isinuklimo.

tulad ng mga bituing nagni-ningning sa langit...
masungkit ka'y marami ang mai-inggit.
sa paglipas ng panahon ang aking hinihiling..
hanggang sa pagtanda tayo ay magkapiling.

[jaguar05]

hanggang sa pagtanda tayo ay magkapiling
at ang bawat sandali ay ating namnamin
pumuti man ang buhok at may di malinaw na paningin
pangakong pagmamahalang hanggang libing

tunay kaya na mangyayari pa ang bagay na ito?
dahil sa paglipas ng panahon bakit iba na ang hanap mo?
matatamis mong ngiti bakit bigla na lamang naglaho?
pagsinta mo pala'y huwad at puno ng balat kayo.....

[joshgroban]

pagsinta mo pala'y huwad at puno ng balat kayo.....
gayunpaman aking mahal mananatili akong umaasa
kahit ikaw man ay lumayo at sa akin ay lumisan
pag-ibig kong itoy magtatakip sa kamalian
maghihintay ako...hanggang walang hanggan...